voeux 2021.jpg
image com noel 1.png

 

 

 

Eccu !

 

 

 

S’hè compiu quist’annu incù difficultà maiori ch’ùn ani risparatu a nosci cumuna.

Da piaghja à muntagna, s’hè stallata a pricarità, musciendu l’impurtanza di a sulidarità paisana.

A nant’à u tarrenu, sò numarosi quiddi chì si sò mubilizati pà torcia u nasu à issi mumenti difficiuli.

Chì stu 2021 poschi dà forza ancu di più a sta sulidarità.

A u capu di st’annu novu, scuprimu dinò, com’è fiori di spiranza, chì trè pueta paisani figurani indi l’antulugia di a Corsica Litteraria, isciuta di Dicembri à l’edizioni Albiana : Jean-Francois Agostini, Danièle Maoudj è Lisandru Muzy. 

In issu periodu stranu è d’incertezza, vulemu chì a cultura ritrovi a so piazza in a noscia cumuna è al di là, in tutta a noscia sucità.

U novu cunsigliu municipali maggjuritariu si trova di pettu à i so rispunsabilità è à i so prumessi di campagna. Par contu nosciu, sustinaremu l’azzioni è i prughjetta chì sarani fideli à i nosci valori è à a noscia andatura.

A prò da u mandatu chì no avemu ricivutu da i nosci alittori, faremu u nosciu travaddu d’eletti participendu di manera custruttiva à l’insembi di i discursati, è attenti staremu sempri.

 

A paci è saluta à tutti

L’eletti di u gruppu VIA NOVA – D’UMANI

photo3.jpg

"Incù voscu altrimenti ! - Avec vous autrement" -  Zonza / Santa Lucia